هاتم ...ده‌م  به‌ نزاو پارانه‌وه‌و قورئان خوینم  ...تا تامی‌ برسێتی‌ و تینویه‌تی‌ و سارد و سۆڵه‌ی‌ ئه‌وێ‌ بكه‌م ..تا بیرندار و بێسارێژ بم ..ناڵه‌م ئاویزانی‌ ئازاره‌كانی‌ ئێوه‌كه‌م ...چاوم له‌ چاوه‌ڕوانی‌ ئێوه‌دا بیبینم...وانه‌ی‌ ئازایه‌تی‌ و كۆڵنه‌دان فێربم ..

هاتم ..به‌ ڕۆژووم تا ئێواره‌ ببمه‌ میوانی‌  سه‌ر سفره‌ی‌ ده‌ربه‌ده‌ری  و شه‌قامه‌ چۆڵه‌كان ..مزگه‌وتی‌ بێ‌ بانگ و  ِروخاوه‌كان .. ده‌نگه‌ كپ كراوه‌كان ..باخچه‌ سوتاوه‌كان..ماڵه‌ داڕماوه‌كان ..خێزانه‌ لێكدابڕاوه‌كان ..گریان و

هاواری‌ نه‌بیستراوی‌ ده‌رونی‌ بێ‌ نازتان...

 هاتم ..تا بتوانم به‌ هێز بم ..ڕاكه‌م ....له‌گه‌ڵ بست به‌ ستی‌ هه‌نگاو و هه‌ناسه‌ ماندوه‌كانتان  بم ..سیمام وه‌ك سیماتان ئاڵۆزكاو و خه‌ماوی‌ بم .. ملوانكه‌یه‌ك  له‌به‌رد دروست كه‌م ..بۆ هه‌تا هه‌تایی‌ بیكه‌مه‌ ملم .. جوانترین دیاری‌ ساڵی‌ تازه‌ بێت بۆم..

هاتم ..زۆریش دره‌نگ  فریا كه‌وتم ,,لێم ببورن  كه‌مته‌رخه‌م بوم ..دڕك وداڵی‌ سه‌رڕێ‌ دوایان خستم ..به‌لاَم به‌خوا به‌  ڕوح و دڵ هه‌میشه‌  له‌گه‌ڵتان بوم ..

ئیوه‌ش میوانی‌ چاوه‌ڕوانی شه‌و و ِرۆژم  بوون..هاسۆز و هاوخه‌متان بوم ..ئای‌ چه‌ن گریام به‌دیاروێنه‌ جه‌رگ بڕه‌كان ..مناڵه‌ بێتاوانه‌كانی‌ ژێر دارو به‌رده‌كان  ..

 هاتوم ..تا ڕه‌نگی‌ سپی‌  بپۆشم ..خوێنم ببه‌خشم ,,گیانم فیدا كه‌م ,,وه‌ك ئێوه‌ خه‌ڵتانی‌ ڕه‌نگی‌ سور بم ..هاوسه‌فه‌روخوشك وهاوِرێ‌ بم .. بۆ دوا جار  شه‌هیدی‌ رێی‌ هاتنم   بم ..ئه‌م جاره‌شیان لێم  بمبورن كه‌ ته‌نها به‌ویژدانی‌ زیندووی‌ قه‌ڵه‌مم  به‌شداری‌ ژیانتانم .. له‌ پێشوازی‌ هاتنیشم   ئه‌م په‌یامه‌م وه‌ك دیاری‌ لێوه‌رگرن ....