نــیــــــــــگارحمــــــــــــد علـــى

به‌ دوعا 2009/5/11

لێم مەگەڕێن ... وا بڕیارە سه‌رابی سروەی‌ سۆزیش لەگەڵ خۆی‌ نەمهێنێ ...شەپۆلی‌ سه‌رشێتی دەریاش بەرەو کەنارم لەنگەر نەگرێ ...هاژەی‌ تافگەش نەم لاوێنێ ... چریکەی‌ باڵندەکان بۆم نەخوینَێ ... تا شنە باش هاوڕیم نابێ ...
لێم مه‌گه‌ڕێن... مات وزیزو په‌رێشانم له‌م کۆساره‌ ته‌نهام ... به‌ره‌ وشاری هیواکان به‌رز‌فڕیم ونوقمی خۆشی راسته‌قینه‌ بوم و ته‌واو مه‌ست بوم....به‌رگی سپی ...سپی ...عشقی پاک وبێ هاوتایی... روخساری ئیمانی..ڤستڤالی خۆشه‌ویستی ... ده‌نگ وسه‌دای پر جۆشی قورئان و دوعا و پارانه‌وه‌و گریانی په‌شیمانی ...مانای هیلاک نه‌بون و خۆنه‌ویستی... جۆره‌ها برواداری جیهانی ... تامه‌زرۆی بینینی مه‌زاری پیرۆزی و ڕوگه‌ی به‌ندایه‌تی جوانترین و بێوێنه‌ترین دیمه‌نی ئه‌م .زه‌مینه‌ن....برۆ سه‌فه‌ریک به‌ره‌و مه‌دینه‌ و له‌وێوه‌ به‌ره‌و خۆشه‌ویست وبه‌قیع و ئینجا کێوی ئوحد وقوبا‌و و قیبله‌ته‌ین میقات بکه‌ و له‌دوایدا به‌ره‌و مه‌که‌ برۆو ته‌نعیم و ته‌وافی به‌رده‌ ره‌شه‌که‌و سه‌عی سه‌‌فاو مه‌روه‌ وروانینی روگه‌ و کێوی عه‌ره‌فات وموزده‌لیفه‌و میناو مه‌زارگه‌ی خاتوو عائیشه‌ ویاران وبه‌سه‌ر کێوی ‌حرا‌و سه‌رکه‌وه‌ و له‌م به‌رزاییه‌ ورد بروانه‌،،،ئینجا ماڵی خۆشه‌ویست وبیری زه‌م زه‌م ببینه‌....ئه‌وسا خۆت وه‌لامی هه‌مووئه‌مانه‌ به‌ره‌وه‌ ....باری روح سوک ده‌بێ و ده‌رون ئارام، سینه‌ ساف و پاکی دڵان عه‌شقی ئه‌وێ ماڵ ئاوایی و کۆتاکه‌شی هه‌ر سه‌ره‌تایه‌...ده‌با بمرم. .....هیچی ترم ناوێ... ‌ وا ئه‌زانم رێبوارێکی ئه‌م خه‌راباته‌م ... چونکه‌ له‌وێ دورم.....زۆر دوور .......

: پەخشــــــان

| |